أكثر من ثلاثون مليار دينار عراقي ، ذهبت ادراج الرياح ، أكثر من ثلاثون مليار دينار عراقي كفيلة بتأسيس شبكة طرق ضخمة أكثر من ثلاثون مليار دينار عراقي كفيلة بشراء قطار سريع.

محليات “جدار نيوز” ناطق الجبوري

هل تعلمون يا اصدقاء ماهي قصة الثلاثون مليار دينار ؟!!!!
هي مبلغ انفقته الحكومة العراقية على تأسيس شبكة من كاميرات حرارية للرصد تغطي كل محافظة بابل

وكلنا نفكر لمن يصير خرق امني نرجع للكاميرات، وفي بابل لازم ما نرجع للكامرات حتى نشوف الخرق الأمني لا حبيبي
لازم نشوف الكاميرات شنو فلمها.

تعالت الاصوات ايام مجلس المحافظات حول شبهات فساد لمشروع تجهيز كاميرات المحافظة باكملها..

يعني كاميرات بهيج مبلغ مفروض تشوف حتى الي يبوك الفرحة من حياتنا
أكثر من ثلاثون مليار لو مسويها رواتب وننطيها لشباب يوكفون بالفروع والشوارع يكدرون يحمون الناس ويوصلون كل صغيرة وكبيرة جان هواي احسن.

تقريبا ً462 كاميرا فقط في مركز الحلة

الغريب بالموضوع ان المختص الرقمي في تاسيس هذا المشروع خرج وقال ان الكاميرات التي وضعت تختلف جذريا عن ما موجود بالخطة ؟!!

هسه احنا شندوس

اكثر من ثلاثون مليار تكلفت مشروع كامرات بابل وتالي حادث دهس قرب تقاطع نادر وبقلب المركز وصاحب الشاحنة هرب لجهة مجهولة ماكدرت تكشف السيارة لعد شلون تكشفون لاسامح الله عملية اغتيال او تفجير.ة او سرقة او غيرها؟؟؟
عمي قائد شرطة بابل محافظ بابل تدري الكامرات بيتي ١٥٠ الف كشفت سرقة ببعد ١ كم يعني احسن من كامراتكم ب٣٦ مليار
معقولة هيج ملف فاشل ومهمل

نسخه منه الى :-رئيس الوزراء
نسخه منه الى :- وزير الداخلية
نسخه منه الى:- مجلس النواب
نسخه منه الى :- نواب بابل
نسخه منه الى:- هيئة النزاهة