عادي لاتزعل…
عادي لاتزعل…
زهير التميمي
تره هاي الحياة
اذا جارت عليك الدنيا
واجفت لك ظهر
كلشي بالدنيا
تشوفه أنته صراع
بس كلشي
يحصلك تره
مقدر قدر..
عادي لاتهتم..
وانظر للأمام
ربك بكل لحظه
يكتبلك قدر
المهم بالدنيا
لاتخشى انكسار
واحسب حساب
الكسر ..هم ينجبر
كلشي بالدنيا تريده
هم محال
تره بعض الاحلام
تسببلك قهر
وازرع بروحك…
ضوه مثل النهار
صير منبع ماي
دوم ويه النهر
الوحده مطلوبه
تعيش وياها يوم
حتى تبني افكارك
بلايه عسر
حتى تأخذ كل قرارك
بأقتدار ..
بكل سهوله وتمضي
أنته بكل يسر
هيه هيچ الدنيا
ماتهوى إنتظار
مره تضحك
مره تبچي من القهر
مره تمشي بلايه روح
مثل ميت من زمان
جفَّت أحبابه
مثل جَف النهر
وانتي ياعيني
الدمع خليه خليل
لاتوشله خليَّ
لباچر ذخر
اكثر دموع البشر
لحظه وتروح
واني دموعي
مثل كسره بنهر